[ IRENE FARGO ] Sito Ufficiale

'O Core 'E Napule
(P&C) 2003 by ALTA SINTONIA

1 - MALINCONICO AUTUNNO [3.29]
2 - ERA DE MAGGIO [4.04]
3 - ’I TE VURRIA VASA’ [3.10]
4 - TE VOGLIO BENE ASSAJE [2.49]
5 - ’NA SERA’E MAGGIO [3.26]
6 - CHE M’E’ ‘MPARATO A FA [2.31]
7 - MUNASTERIO ‘E S. CHIARA [3.08]
8 - ANEMA E CORE [2.53]
9 - QUANNO NASCETTE NINNO [3.36]
10 - PASSIONE [3.51]
11 - REGINELLA [4.00]
12 - DICITENCELLO VUJE [4.54]

1) MALINCONICO AUTUNNO
testo: DE CRESCENZO - musica: RENDINE

ERANO VERDE,
ERANO VERDE 'E FFRONNE:
E MMO SO' COMM'E SUONNE PERDUTE,
E MMO SONGHE RICORDE NGIALLUTE;
DINT'A CHEST'ARIA 'E LACREME
'E STO GUARDANNO:
C' 'O VIENTO SE NE VANNO
PE' NUN TURNA' MAI CCHIU'.

RITORNELLO
MALINCONICO AUTUNNO,
STAIE FACENNO CADE'
TUTT' 'E FFRONNE D' 'O MUNNO
SULAMENTE PE' MME.
CHI M'HA LASSATO, PE' NUN TURNA',
CHISA' A CHE PENZA, CHISA' CHE FA'.
-AMMORE MIO, NUN SO' STAT'IO;
SI' STATA TU. PECCHE'?! PECCHE'?!
MALINCONICO AUTUNNO,
STAIE CHIAGNENNO CU' MME;
TUTT'E FFRONNE D'O MUNNO
STAIE FACENNO CADE'.

CHI M'HA LASSATO, PE' NUN TURNA'
CHISA'A CHE PENZA, CHISA' CHE FA'.
- AMMORE MIO, NUN SO' STAT'IO;
SI' STATA TU. PECCHE'?! PECCHE'?!
MALINCONICO AUTUNNO,
A CHEST'ORA, ADDO' STA?
MALINCONICO AUTUNNO,
IO LL'ASPETTO, STO CCA'.

2) ERA DE MAGGIO
testo: S. DI GIACOMO - musica: M. COSTA

ERA DE MAGGIO E TE CADEANO 'NZINO
A SCHIOCCHE A SCHIOCCHE LI CCERASE ROSSE...
FRESCA ERA LL'ARIA E TUTTO LU CIARDINO
ADDURAVA DE ROSE A CIENTE PASSE.
ERA DE MAGGIO-IO, NO, NUN ME NE SCORDO-
'NA CANZONA CANTAVAMO A DDOIE VOCE:
CCHIU' TIEMPO PASSA E CCHIU' ME N'ALLICORDO,
FRESCA ERA LL'ARIA E LA CANZONA DOCE.

E DICEVA: "CORE CORE!
CORE MIO LUNTANO VAIE,
TU ME LASSE E IO CONTO LL'ORE
CHI SA QUANNO TURNARRAIE!"
RISPUNNEV'IO: "TURNARRAGGIO
QUANNO TORNANO LI RROSE,
SI 'STU SCIORE TORNA A MAGGIO
PURE A MAGGIO IO STONGO CCA'...

E SO' TURNATO, E MO', COMM'A NA VOTA,
CANTAMMO NZIEME LU MUTIVO ANTICO;
PASSA LU TIEMPO E LU MUNNO S'AVOTA,
MA AMMORE VERO, NO, NUN VOTA VICO.
DE TE, BELLEZZA MIA, M'ANNAMMURAIE,
SI T'ALLICUORDE, NNANZE A LA FUNTANA:
L'ACQUA LLA' DINTO NUN SE SECCA MAIE,
E FERITA D'AMMORE NUN SE SANA.
NUN SE SANA;CA SANATA
SI SE FOSSE, GIOJA MIA,
MMIEZO A ST'ARIA MBARZAMATA
A GUARDARTE IO NUN STARRIA!
E TE DICO: "CORE CORE!
CORE MIO TURNATO IO SO'"
TORNA MAGGIO E TORNA AMMORE,
FA DE ME CHELLO CHE BUO'!

3) I' TE VURRIA VASA'!...
testo: RUSSO - musica: DI CAPUA

AH! CHE BELL' ARIA FRESCA
CH'ADDORE 'E MALVAROSA,
E TU DURMENNO STAJE!
NCOPP'A STI FFRONNE 'E ROSA.

'O SOLE A POCO A POCO
PE STU CIARDINO SPONTE;
'O VIENTE PASSA E VASA
STU RICCIULILLO NFRONTE.

I' TE VURRIA VASA'...
MA 'O CORE NUN M''O DDICE 'E TE SCETA'.
I' ME VURRIA ADDURMI'
VICINO 'O SCIATO TUJO
N'ORA PUR' I'.

4) TE VOGLIO BENE ASSAJE!
testo: SACCO - musica: DONIZETTI

LA NOTTE TUTTE DORMENO,
E IO, CHE BUO' DURMI'!
PENZANNO A NENNA MIA
MME SENT' ASCEVOLI'!
LI QUARTE D'ORA SONANO
A UNO, A DOIE, A TRE...

TE VOGLIO BENE ASSAJE
E TU NUN PIENZE A ME!

RICORDATE LO JUORNO
CHE STIVE A ME VECINO,
E TE SCORREANO NZINO
LE LACREME ACCOSSI'
DICISTE A ME: NON CHIAGNERE
CA TU LU MIO SARRAJE...

TE VOGLIO BENE ASSAJE
E TU NUN PIENZE A ME!

5) 'NA SERA 'E MAGGIO
testo: GIGI PISANO - musica: GIUSEPPE CIOFFI

QUANNO VIENE APPUNTAMENTO
GUARDE 'O MARE, GUARD''E FRONNE,
SI TE PARLO NUN RISPUNNE,
STAI DISTRATTA COMM'A CCHE.
IO TE TENGO DINT''O CORE,
SONGO SEMPE 'NNAMMURATO,
MA TU INVECE PIENZE 'A 'NATO
E TE STAIE SCURDANNO 'E ME.
QUANNO SE DICE: SI! TIENELO A MMENTE,
NUN S'HA DDA FA MURI'
NU CORE AMANTE...
TU ME DICISTE: SI! 'NA SERA 'E MAGGIO
E MO' TIENE 'O CURAGGIO 'E ME LASSA'.

ST'UOCCHIE TUOIE NUN SO' SINCERE
COMME A QUANNO ME 'NCUNTRASTE,
COMME A QUANNO ME DICISTE:
VOGLIO BBENE SULO A TTE,
E TREMMANNO ME GIURASTE,
CU 'NA MANO 'NCOPPA 'O CORE:
NUN SE SCORDA' O PRIMMO AMMORE
MO' TE STAIE SCURDANNO 'E ME.
QUANNO SE DICE: SI! TIENELO A MMENTE,
NUN S'HA DDA FA MURI'
NU CORE AMANTE...
TU ME DICISTE: SI! 'NA SERA 'E MAGGIO
E MO' TIENE 'O CURAGGIO 'E ME LASSA'.

TU ME DICISTE: SI! 'NA SERA 'E MAGGIO
E MO' TIENE 'O CURAGGIO 'E ME LASSA'.

6) CHE M'E 'MPARATO A FA'
testo: VERDE - musica: TROVAJOLI

TU CHE M'E' 'MPARATO A FA',
CHE "KISS ME" VENE A DI
IO TE VURRIA VASA'?
IO, PURTANNOTE CU' ME
CHE T'AGGIO DITTO A FA'
SO 'NNAMURATA 'E TE...?
PECCHE', VASANNOME ACCUSSI'
TU M'E 'MPARATO A DI'
STI COSE SCUNUSCIUTE...?
CAPRI, SURRIENTO E 'STA LUNA
SE NE SO' GGHIUTE CU' TE!
TU SAPENNO E NUN TURNA'
CHE M'E 'MPARATO A FA'
STI FRASI FURASTIERE...?
AMMORE, CHED'E' A FELICITA'
CHE M'E 'MPARATO A FA'...?!

7) MUNASTERIO 'E SANTA CHIARA
testo: GALDIERI - musica: BARBERIS

DIMANE?... MA VURRIA PARTI' STASERA!
LUNTANO NO... NUN CE RESISTO CCHIU'!
DICE CHE C'E' RIMASTO SULO 'O MARE,
CHE 'O STESSO 'E PRIMMA...

CHILLU MARE BLU!

MUNASTERIO 'E SANTA CHIARA...
TENGO 'O CORE SCURO SCURO...
MA PECCHE', PECCHE' OGNE SERA
PENZO A NAPULE COMM'ERA,

PENZO A NAPULE COMM'E'?!

FUNTANELLA 'E CAPEMONTE...
CHISTU CORE MME SE SCHIANTA
QUANNO SENTO 'E DI D' 'A GGENTE
CA S'E'FATTO MALAMENTE,

'STU PAESE... MA PECCHE'?

NO, NUN E' OVERO
NO, NUN CE CRERO
E MORO PE' 'STA SMANIA 'E TURNA'

A NAPULE...

MA CH'AGGIA FA... MME

FA PAURA 'E CE TURNA'!

8) ANEMA E CORE
testo: MANLIO musica: D'ESPOSITO

NUJE CA PERDIMMO 'A PACE 'E 'O SUONNO,
NUN 'NCE DICIMMO MAJE PECCHE'?...
VOCCHE CA VASE NUN NE VONNO,
NUN SO' 'STI VVOCCHE, OJ NE'!
PURE, SI CHIAMMO NUN RISPUNNE,
PE' FFA' DISPIETTO A MME...
TENIMMOCE ACCUSSI', ANEMA E CORE,
NUN 'NCE LASSAMMO CCHIU',
MANCO PE' N'ORA,

'STU DESIDERIO 'E TE, ME FA PAURA..
CAMPA' CU TTE!
SEMPE CU TTE!...
PE' NUN MURI'!...
CHE CE DICIMMO A FFA', PAROLE AMARE,
SI 'O BBENE, PO' CAMPA' CU NU RESPIRO?
SI SMANIE PURE TU PE' CHIST'AMMORE
TENIMMOCE ACCUSSI'... ANEMA E CORE!

TENIMMOCE ACCUSSI', ANEMA E CORE,
NUN 'NCE LASSAMMO CCHIU',
MANCO PE' N'ORA,
'STU DESIDERIO 'E TE, ME FA PAURA..
CAMPA' CU TTE!
SEMPRE CU TTE!...
PE' NUN MURI'!...
CHE CE DICIMMO A FFA', PAROLE AMARE,
SI 'O BBENE, PO' CAMPA' CU NU RESPIRO?
SI SMANIE PURE TU PE' CHIST'AMMORE
TENIMMOCE ACCUSSI'... ANEMA E CORE!

9) QUANNO NASCETTE NINNO
testo e musica: S. ALFONSO DE LIGUORI

QUANNO NASCETTE NINNO A BETTALEMME
ERA NOTT 'E PAREVA MIEZO JUORNO.
MAJE LE STELLE LUSTRE E BELLE
SE VEDETTERO ACCOSSI':
E A CCHIU' LUCENTE
JETT'A CHIAMMA' LI MAGGE ALL'URIENTE.

DE PRESSA SE SCETAJENO L'AUCIELLE
CANTANNO DE NA FORMA TUTTA NOVA:
PE'NSI' AGRILLE CO LI STRILLE,
E ZOMBANNO A CCA' E A LLA':
E' NATO, E' NATO,
DECEVANO, LO DIO, CHE NC' A' CRIATO.

CO TUTTO CH'ERA VIERNO, NINNO BELLO,
NASCETTERO A MIGLIARA ROSE E SCIURE.
PE'NSI' O FFIENO SICCO E TUOSTO
CHE FUJE PUOSTO SOTT'A TE,
SE 'NFIGLIULETTE,
E DE FRUNNELLE E SCIURE SE VESTETTE.

LA NANNA CHE CANTAJENO MME PARE
CH'AVETTE A ESSE CHESTA CHE MO' DICO.
MA 'NFRATTANTO IO LA CANTO,
MMAGENATEVE DE STA CO LI PASTURE
VECINO A NINNO BELLO VUJE PURE.

10) PASSIONE
testo e musica: L.BOVIO - VALENTE - TAGLIAFERRI

CCHIU'LUNTANA ME STAIE,
CCHIU' VICINA TE SENTO...
CHI SA A CHISTO MUMENTO
TU A CHE PIENZE... CHE FFAIE...
TU M'E' MISO 'INT' 'E VVENE
NU VELENO CH'E' DDOCE...
NUN ME PESA STA CROCE
CA TRASCINO PE'TE...

TE VOGLIO... TE PENZO... TE CHIAMMO...
TE VECO... TE SENTO... TE SONNO...
E' N'ANNO -
'NCE PIENZE CA E' N'ANNO -
CA ST'UOCCHIE NUN PONNO
CCHIU' PACE TRUVA'?...

E CAMMINO... E CAMMINO...
MA NUN SACCIO ADDO' VACO...
I' STO SEMPE 'MBRIACO
E NON BEVO MAI VINO.
AGGIO FATTO NU VUTO
A' MADONNA D' 'A NEVE;
SI ME PASSA 'STA FREVE
ORO E PPERLE LLE DO'...

TE VOGLIO... TE PENZO... TE CHIAMMO...
TE VECO... TE SENTO... TE SONNO...
E' N'ANNO -'NCE PIENZE CA E' N'ANNOCA
ST'UOCCHIE NUN PONNO
CCHIU' PACE TRUVA'!

11) REGINELLA
testo: L. BOVIO - musica: LAMA

TE SI' FATTA 'NA VESTA SCULLATA
NU CAPPIELLO CU 'E NASTRE E CU 'E RROSE,
STIVE MIEZO A TRE O QUATTE SCIANTOSE,
E PARLAVE FRANCESE; E' ACCUSSI'?
FUIE L'ATRIERE CA TAGGIO 'NCUNTRATA?
FUIE L'ATRIERE, A TULETO, GNORSI'.

T'AGGIO VULUTO BENE A TTE!
TU M'E' VULUTO BENE A ME!
MO NUN NCE AMAMMO CCHIU',
MA A 'E VVOTE TU,
DISTRATTAMENTE,
PIENZE 'A ME!...

REGINE', QUANNO STIVE CU MMICO,
NUN MAGNAVE CA PANE E CERASE,
NUIE CAMPAVAMO 'E VASE, E CHE VVASE
TU CANTAVE E CHIAGNIVE PE' ME...
E 'O CARDILLO CANTAVA CU TTICO:
"REGINELLA 'O VO' BENE A 'STU' RE"

T'AGGIO VULUTO BENE A TTE!
TU M'E' VULUTO BENE A ME!
MO NUN NCE AMAMMO CCHIU',
MA A 'E VVOTE TU,
DISTRATTAMENTE,
PARLE 'E ME!...

OI CARDILLO, A CHI ASPIETTE STASERA?
NUN 'O VIDE, AGGIO APERTA 'A CAIOLA,
REGINELLA E' VULATA, E TU VOLA
VOLA E CANTA, NUN CHIAGNERE CCA'
T'E' 'A TRUVA 'NA PATRONA SINCERA,
CA E' CCHIU' DEGNA 'E SENTIRTE 'E CANTA

T'AGGIO VULUTO BENE A TTE!
TU M'E' VULUTO BENE A ME!
MO NUN NCE AMAMMO CCHIU',
MA A 'E VVOTE TU,
DISTRATTAMENTE,
CHIAMME A ME!...

12) DICITENCELLO VUIE
testo: FUSCO - musica: FALVO

DICITENCELLO A 'STA
CUMPAGNA VOSTA
CH'AGGIO PERDUTO
'O SUONNO E 'A FANTASIA
C' 'A PENZO SEMPE,
CH' E' TUTT' 'A VITA MIA...
'I 'NCE 'O VULESSE DICERE,
MA NUN 'NCE 'O SACCIO DI'!

'A VOGLIO BBENE,
'A VOGLIO BBENE ASSAIE,
DICITENCELLO VUIE
CA NUN M' 'A SCORDO MAIE
E' NA PASSIONA
CCHIU' FORTE 'E NA CATENA
CA ME TURMENTA LL'ANEMA
E NUN ME FA CAMPA'!

DICITENCELLO CH'E' 'NA
ROSA 'E MAGGIO,
CH' E' ASSAIE CCHIU BELLA
'E 'NA IURNATA 'E SOLE
D' 'A VOCCA SOIA,
CCHIU' FRESCA D'E VVIOLE

I' GIA' VULESSE SENTERE
CH' E' NNAMMURATA 'E ME!
'A VOGLIO BBENE,
'A VOGLIO BBENE ASSAIE,
DICITENCELLO VUIE
CA NUN M' 'A SCORDO MAIE!
E' NA PASSIONA
CCHIU' FORTE 'E NA CATENA
CA ME TURMENTA LL'ANEMA
E NUN ME FA CAMPA'!

'NA LACREMA LUCENTE
V'E' CADUTA
DICITEME NU POCO A
CCHE PENZATE?
CU' ST'UOCCHIE DOCE
VUIE SULA ME GUARDATE...
LEVAMMECE 'STA MASCHERA,
DICIMMO 'A VERITA':

TE VOGLIO BBENE,
TE VOGLIO BBENE ASSAIE,
SI TTU CHESTA CATENA
CA NUN SE SPEZZA MAIE!
SUONNO GENTILE,
SUSPIRO MIO CARNALE
TE CERCO COMM'A LL'ARIA
TE VOGLIO PE' CAMPA'!